د هرات د پستې پروژې د مارکېټ د مطالعې غونډه په لاره واچول شوه

content_admin
شنبه ۱۴۰۰/۲/۴ - ۱۵:۴۵
د هرات د پستې  پروژې د مارکېټ د مطالعې غونډه په لاره واچول شوه

۴غويی ۱۴۰۰
د کرنې وزارت د اوبولګولو او طبيعي سرچينو مرستيال حشمت الله غفوري په مشرۍ د هرات ولايت د انجيل ولسوالۍ د پستې  پروژې د مارکېټ د مطالعې غونډه په لاره واچول شوه.
په دې غونډه کې ددې پروژې اړوند يوشمېر چارواکو په حضوري او د ويډيو کنفرانس له لاري ګډون کړي و.
د طبيعي سرچينو لوی رييس محمدرفیع قاضی‌زاده، ‏د کرنيز ترويج رييس  عبدالصبور رحماني، د خصوصي سکټور رييس حبیب‌الله حبیبي او دکرنې وزارت سلاکاران، د "OXMA" استازی ذبیح‌الله زماني، د عامه او خصوصي مشارکت د عمومي ادارې استازو، ‏"CPA‏" او دغه راز د" OXMA/EPTISA "کمپنی چارواکو  حسن حیدر و ښاغلی ددې غونډې ګډونوال و.
په دې غونډه کې لومړی، ذبیح‌الله زماني په نړۍ او افغانستان کې د پستې د مارکېټ،د کښت د وضعيت څرنګوالي،توليد، بيې او  ډول په هکله  پریزنتیشن وړاندې کړه او وروسته ددې راپور د غنامندی په پار خبرې اترې وشوې.
حشمت‌الله غفوري ددې معلوماتو له وړاندې کولو د مننې ترڅنګ وويل: «موږ بايد ډېر په دقت مخته ولاړ شو ترڅو په دې برخه کې ښې لاسته راوړنې ولرو او په نړيوالو مارکېټونو کې زموږ پسته وکولی شي چې د نورو هېوادونو له پستې سره سيالي وکړي.»
په دې غونډه کې د انجيل ولسوالۍ پر اوبيزو سرچينو هم خبرې وشوې. ښاغلی غفوري اړوندو چارواکو ته دنده وسپارله تر څو د هرات ولايت د پستې او د مارکېټ مطالعاتو په پار دې غونډې په لاره واچوي او پايله يې په راتلونکې غونډه کې له نورو سره شريکه کړي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت