د سوداګریزې کرنې د پراختیا په پار افغانستان لپاره د اروپایي ټولنې د پلاوي له مرستیال سره د کرنې وزیر کتنه

content_admin
چهارشنبه ۱۳۹۹/۱۲/۶ - ۱۴:۲۰
د سوداګریزې کرنې د پراختیا په پار افغانستان لپاره د اروپایي ټولنې د پلاوي له مرستیال سره د کرنې وزیر کتنه

۶ کب ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي، د خپل کار په دفتر کې افغانستان لپاره د اروپایي ټولنې د پلاوي مرستیال آرناوټ پاولس سره وکتل.
په دې کته کې دواړو خواوو د کرنې له وزارت سره د اروپایي ټولنې د همکاریو پر پراختیا خبرې وکړې. په دې غونډه کې د اروپایي ټولنې د ټولنیز پراختیا د برخې رییس ویم ریپما هم ګډون درلود.
افغانستان لپاره د اروپايي ټولنې د پلاوي مرستیال په دې لیدنه کې وویل یاده ټولنه غواړي، چې د کرنې وزارت او اروپایي ټولنې ترمنځ همکارۍ لا ډېر شي. د هغه په ټکو، اروپایي ټولنه لېوالتیا لري، چې د کرنې وزارت سره د بڼوالۍ او مالدارۍ به برخه کې لاډېرې مرستې آو همکارۍ وکړي او دغه راز یاده ټولنه غواړي، چې د سوداګریزې کرنې او د کرنیزو محصولاتو ځنځیري ارزښت د ودې په برخه کې د کرنې وزارت سره مرستې وکړي.
ښاغلی پاولس خبر ورکړ، چې اروپایي ټولنه د امید پروژې لپاره ۱۷ میلیونه یورو ځانګړې کړې ده.
د اروپایي ټولنې مرستیال وویل، یاده ټولنه لېوالتیا لري، چې د وړتیالوړنې، تخنیکي، اسټانډارډ کولو او تجهیز په برخه کې د کرنې وزارت سره مرستې وکړې.
د کرنې وزیر ډاکټر انوارالحق احدي، هغوی ته  ښه راغلاست وویل او د افغانستان دکرنې په برخه کې د اروپایي ټولنې له مرستو څخه د قدردانۍ ترڅنګ، د کرنې وزارت د برنامو، پلانونو،  ددې وزارت د لاسته راوړنو او دغه راز د ۱۴۰۰ام کال د احتمالي وچکالۍ په هکله خبرې وکړې.
ښاغلی احدي وویل، د کرنې وزارت غواړي، چې د افغانستان کرنه په بنیادي ډول پراختیا ومومي او یاد وزارت د مارکېټ پر پراختیا تمرکز لري او باید زموږ د هېواد کرنه مارکېټ محور او سوداګریزه وي او د افغانستان کرنیزو تولیداتو لپاره باید نړیوال بازارونه وپلټل شي، چې په دې برخه کې د اروپایي ټولنې همکارۍ ډېرې اغېزناکې دي.
دغه راز د کرنې وزیر وویل، چې موږ د کرنیزو محصولاتو پر لا ښه پروسس، بسته بندۍ او پیاوړتیا کار کوو او په یادو برخو او د وړتیالوړنې په برخه کې د اروپایي ټولنې د لاډېرو مرستو غوښتونکي یو.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت