پنجشېر کې پر یوشمېر مېرمنو ۸۰ وړې شنې خونې وېشل شوي دي
۳ کب ۱۳۹۹
د پنجشېر ولایت د کرنې، اوبولګولو او مالدارۍ ریاست وایي، چې د روان کال په ترڅ کې د کرنې وزارت د بڼوالۍ او مالدارۍ ملي پروژې له لارې د پنجشېر ولایت پر یوشمېر مېرمنو ۸۰ وړې شنې خونې وېشلي دي.
دغه شنې خونې د یو میلیونه او ۶۷۴ زره افغانیو په لګښت وېشل شوې، چې موخه یې دکورنیو د خوړو خوندیتوب او د سبو تولید دی.
دغه راز سږکال د پنجشېر د عنابې په ولسوالۍ کې بزګرانو ته د چوپړونو وړاندې کولو په پار د ۳۷۵ زره افغانیو په ارزښت یو مرکز هم جوړه شوې ده. یاد مرکز بزګرانو او بڼوالو ته تخنیکي او مسلکي مشورې ورکوي.
