لغمان کې د کرنیزو توکو د بازارموندنې مرکز جوړېږي
![لغمان کې د کرنیزو توکو د بازارموندنې مرکز جوړېږي](https://www.mail.gov.af/sites/default/files/2021-02/147739357_4039173056107264_4686023892307603734_n.jpg)
۲۱ سلواغه ۱۳۹۹
د لغمان ولایت د قرغیو ولسوالۍ د عزیزخان کڅ سیمه کې د کرنیزو توکو ټولولو او بازارموندنې د مرکز د بنسټ ډبره، په ټولنیزو چارو کې د لغمان ولایت مرستیالې برښنا ساپۍ او ددې ولایت د یوشمېر نورو سیمه ییزو چارواکو په شتون کې کېښودل شوه.
د لغمان د کرنې ریاست چارواکي وایي، چې یاد مرکز د ګډوالو نړیوالې ادارې «IOM» د «RADA» برنامې له خوا د ۴۰ زره امریکایي ډالرو په لګښت جوړېږي.
ددې مرکز په جوړېدو سره به د بزګرانو کرنیزو توکو ته بازار موندنه او د دوی اقتصادي پیاوړتیا ته زمینه برابره شي. دغه راز د بزګرانو په اقتصادي وضعیت کې مثبت بدلون رامنځته او زیات شمېر خلک به ورڅخه ګټه پورته کړي.