راتلونکو برنامو او چمتووالي په پار د کرنې وزارت د مشرتابه پلاوې غونډه وشوه
۴ سلواغه ۱۳۹۹
د کرنې، اوبولګولو او مالدارۍ وزارت مشرتابه، د وچکالۍ احتمالاتو لپاره د غنمو او د څارویو د علوفې د پېرلو د چمتووالي، د کرونا وبا دویمې څپې او په کرونده کې د اوبو د مدیریت د طرحې د چمتووالي په پار غونډه په لاره واچوله.
په دې غونډه کې لومړی بېړنیو حالاتو او احتمالي وچکالۍ ته د رسېدنې په پار د کرنې وزارت اسټراټیژيکو زېرمو لپاره د غنمو د پېر پر وړاندیز خبرې وشوې. په ۱۴۰۰ ام کال کې د مالدارۍ پر سکټور د احتمالي وچکالۍ د ګواښونو د مخنیوي په پار د حیواني علوفې پېرل دکرنې وزارت د مشرتابه پلاوې د غونډې بله موضوع وه. دغه راز د کورونا وبا دویمه څپه او په کرونده کې د اوبو د میریت د طرحې چمتو کول، په دې غونډه کې شامل نور موضوعات وو.
