د ارزګان د بهي حاصلات پنځه سلنه زیات شوي
۴ مرغومې ۱۳۹۹
د ارزګان ولایت د کرنې، اوبولګولو او مالدارۍ ریاست چارواکي وایي، چې د تېرکال په پرتله ددې ولایت د بهي حاصلات پنځهسلنه ډېر شوي دي.
د ارزګان د کرنې ریاست وایي، چې بهي د دې ولایت د مرګز ترینکوټ په ګدون په ګڼو ولسوالیو کې ښه حاصل ورکوي، چې د یاد ولایت په ۸۰ هکتاره ځمکه د بهي بڼونه اېښودل شوي، چې سږ کال یې د تولید کچه شاوخوا ۹۰۰ ټنو ته رسیږي.
د کرنې وزارت د ۱۳۹۸یم کال شمېرې ښیي؛ چې د یاد ولایت په ۸۰ هکتاره ځمکه د بهي بڼونه جوړ شوي، چې ۸۸۰ ټنه حاصلات ترې راټول شوي وه، خو سږکال یې د حاصلاتو کچه شاوخوا ۹۰۰ ټنو ته رسیږي.
د وروستیو کالو په لړ کې د کرنې وزارت له لارې د همکارو پروژو په همکارۍ د ارزګان په ولایت کې د مېوو نوي بڼونه جوړ شوي دي، چې د بڼوالۍ د پراختیا او دې ترڅنګ ددې ولایت د بڼوالو د عواید د زیاتوالي لامل شوي دي.
