پنجشېر کې د کرنیزو محصولاتو مدیریت د ۶۰ پروژو رغنیزې چارې بشپړې شوې

۱۵ لیندۍ ۱۳۹۹
د پنجشېر ولایت دکرنې، اوبولګولو او مالدارۍ رییس محمدرووف یعقوبي وایي، چې په دې ولایت کې د کرنیزو محصولاتو مدیریت د ۷۷ پروژو له ډلې د ۶۰ پروژو رغنیزې چارې بشپړ شوي دي.
ښاغلي یعقوبي وویل، چې د پاتې ۱۷ نورو پروژو رغنیزې چارې هم تر۹۰ سلنه بشپړ شوي دي، چې ډېرژر به بشپړې او ګټې اخیستنې ته به وسپارل شي.
په دغو پلي شویو پروژو کې د پیازو او کچالو زېرمتونونه او د مېوو سارک صفردرجې سړې خونې شامل دي، چې د کرنې، اوبولګولو او مالدارۍ وزارت د کرنیزو محصولاتو مدیریت د پروژې په اډانه کې ددې ولایت په په مرکز او اوو ولسوالیو کې په لاره اچول شوي دي.