کندز کې پر څه باندې ۱۴زره بزګرانو د غنمو د اصلاح شویو تخمونو وېش پیل شو
![کندز کې پر څه باندې ۱۴زره بزګرانو د غنمو د اصلاح شویو تخمونو وېش پیل شو](https://www.mail.gov.af/sites/default/files/2020-11/125491931_3807017165989522_5911293045401575260_o.jpg)
۲۵ لړم ۱۳۹۹
دکندز په ولایت کې د مني موسم د غنمو کرکېلي په پار ددې ولایت پر یوشمېر بزګرانو د غنمو د اصلاح شویو تخمونو وېش د کندز په مرکز کې د سیمه ییزو چارواکو په شتون کې پیل شو.
ټاکل شوې، چې سږکال د ۳۱ میلیونه او ۲۲۵ زره او ۸۵۴ افغانیو په لګښت د کرنې وزارت له خوا د کندز ولایت پر ۱۴ زره او ۶۰ بزګرانو ۷۰۳مټریک ټنه د غنمو اصلاح شوي تخمونه ووېشل شي. ددغو اصلاح شویو تخمونو ۶۰ سلنه لګښت دکرنې وزارت او یوازې ۴۰ سلنه لګښت یې برخمن شوي بزګران ورکوي. په دې ترتیب سره د غنمو اصلاح شویو تخمونو هر ۵۰ کیلو یي بوجۍ بزګرانو ته ۸۸۸.۳۶ افغانۍ تمامیږي.
باید وویل شي، چې د کندز په ولسوالیو کې د غنمو د اصلاح شویو تخمونو د وېش لړۍ څور ورځې مخکې پیل شوې وه.