هلمند کې پر ۱۷ زره بزګرانو د غنمو د اصلاح شويو تخمونو د وېش لړۍ پیل شو
۱۸ لړم ۱۳۹۹
د هلمند دکرنې، اوبولګولو او مالدارۍ ریاست ددې ولایت پر بزګرانو د غنمو د اصلاح شویو تخمونو د وېش لړۍ پیل کړی دی.
په دې لړۍ، کې د هلمند ولایت په کچه پر ۱۷ زره بزګرانو د غنمو ۸۵۰ مټریک ټنه اصلاح شوي تخمونه وېشل کیږي.
د هلمند د کرنې، اوبولګولو او مالدارۍ رییس زلمی الکو ایي، چې په دې لړۍ کې پر ۱۷ زره بزګرانو پر هر یوه بزګر ۵۰ کیلو ګرامه اصلاح شوي تخمونه وېشل کیږي، چې په پایله کې یې ددې ولایت په ۳۴ زره جریبه ځمکه کې به د غنمو اصلاح شوي تخمونه وکرل شي.
دغه تخمونه د سبسایډي په ډول ویشل کیږي، چې ۶۰ سلنه لګښت یې د کرنې وزارت او ۴۰ سلنه نور لګښت یې برخمن شوي بزګران پرې کوي.
تمه داده، چې ددغو اصلاح شویو تخمونو په وېش سره به په راتلونکی کال ددې ولایت د غنمو دحاصلاتو کچه د پام وړ ډېر شي.
