ننګرهار کې د جوارو پروسس کوونکو او بزګرانو تر منځ هوکړه لیکونه لاسلیک شول
۱۳ لړم ۱۳۹۹
د کرنې، اوبولګونې او مالدارۍ وزارت له دویم ملي لومړیتوب د ملاتړ برنامې « SNaPP2» په همکارۍ د ننګرهار ولایت د لسو ولسوالیو د جوارو تولیدوونکو بزګرانو او د جوارو پروسس کوونکو ترمنځ د پېر-پلور هوکړه لیکونه لاسلیک شول.
دغه هوکړه لیکونه ددې ولایت د لسو ولسوالیو له ۴۵۰ بزګرانو سره لاسلیک شوي دي.
مارکیټ سره د بزګرانو نښلول، د جوارو لوړ تولید، د بزکرانو په اقتصادي حالت کې مثبت بدلون او د بزګرانو د محصولاتو لپاره مارګیټ پیدا کول ددې هوکړه لیکونو موخې کڼل کیږي.
ددې هوکړه لیکونو پر بنسټ پروسس کوونکی به د بزګرانو محصولات به په لوړه بیه پېري، د ترانسپورت آسانتیاوې ورته براروی او د اړتیا په وخت کې به بزګرانو ته د څارویو او چرګانو خوراکي توکي هم په ټېټه بیه برابروي او دوی ته به په بېلابېلو کرنیزو برخو کې روزنیزې برنامې هم په لاره اچوي.
