د بامیان په مرکز کې د کچالو د ۲۵ زېرمتونونو رغنیزې چارې بشپړ شوې
۲۸ تله ۱۳۹۹
د بامیانو په ولایت کې د کچالو د ۲۵ زېرمتونونو رغنیزې چارې بشپړ شوي دي. دا په داسې حال کې ده، چې د کرنیزو محصولاتو مدیریت د پروژې له خوا چې نور زېرمتونونونه جوړیږي، رغنیزې چارې یې روانې دي او ۵۵ سلنه بشپړ شوي دي.
د دغو زېرمتونونو د هرې زېرمتون و ړتیا ۱۵ مټریک ټنه ده او ۲۵ زېرمتونونه اوس کولای شي، چې ۳۷۵ ټنه کچالو زېرمه کړي.
دغه زېرمتونونه هر یوه یې د ۶۱۵ زره افغانیو په لګښت جوړه شوې ده، چې د ۲۵ زېرمتونونو ټولیز لګښت ۱۵ میلیونه او ۳۷۵ زره افغانۍ کیږي.
ددغو زېرمتونونو په جوړېدو سره اوس بامیاني بزګران کولای شي، چې خپل کرنیز محصولات په کې زېرمه او په مناسب وخت او مناسبه بیه یې خرڅ کړي.
باید وویل شي، چې د کرنې وزارت سږکال یوازې د کرنیزو محصولاتو مدیریت د پروژې په اډانه کې د بامیانو په ولایت کې د کچالو ۲۹۵ زېرمتونونه جوړوي. له دې ډلې ۹۵ زېرمتونونه یې د کرنې وزارت د بڼوالۍ اومالدارۍ ملي پروژې «NHLP» په مدیریت او ۲۰۰ نور زېرمتونونه یې د کرنې وزارت د بڼوالۍ ځنځیري ارزښت د پراختیا پروژې «HVCDSP» له لارې جوړیږي.
