غزني کې د کرنیزو محصولاتو مدیریت د پروژو چارې په بشپړېدودي

۲۵ تله ۱۳۹۹
د کرنې وزارت د کرنیزو محصولاتو مدیریت د پروژې له لارې په غزني کې د څه باندې ۸۵ میلونه افغانیو په لګښت د ۱۲۹ پروژو چارې نږدې څلور میاشتې وړاندې پیل کړي دي، چې په نږدې راتلونکې کې به یې رغنیزې چارې بشپړ او ګټې اخیستنې ته به وسپارل شي.
په دغو پروژو کې ۴۵ ممیزخونې، د کچالو ۵۹ زېرمتونونه، د پیازو ۱۸ زېرمتونونه او د مڼو پنځه صفر انرژۍ سړې خونې جوړول او د سبو او مېوو دوه وچوونکي لمریز دستګاوېشامل دي. ددغو پروژو لس سلنه لګښت برخمن شوي بڼوال او بزګران ورکوي.
دغه پروژې د غزني د مرکز په ګډون ددې ولایت په ګیلان، ده‌یک، واغز، خواجه عمري، جغتو، جاغوري، مالستان، ناور او اجرستان ولسوالیو کې پلي کیږي.
د کرنې وزارت د کرنیزو محصولاتو مدیریت د پروژې په اډانه کې د هېواد په کچه زرګونه ممیزخونې، د پیازو او کچالو زېرمتونونه او د مېوو صفر انرژۍ سړې خونې جوړ کړي دي، چې موخه یې د کروندګرو او بڼوالو د حاصلات خوندیتوب او مدیریت دي.