د جمهور رئیس له مرستیال سره د کرنې، اوبو لګولو او مالدارۍ وزارت د سرپرست او کاندید وزیر لیدنه

د جمهور رئیس مرستیال استاد سرور دانش نن له غرمې مخکې د کرنې، اوبو لګولو او مالدارۍ وزارت له سرپرست او کاندید وزیر انور الحق احدي سره وکتل. 

په دې کتنه کې ښاغلي احدي د جمهور رئیس دوهم مرستیال ته د کرنې، اوبولګولو او مالدارۍ وزارت د کاري لومړیتوبونو په اړه معلومات ورکړل او د جمهور رئیس له مرستیال څخه یې وغوښتل چې د تعریف شویو پروګرامونو او لومړیتوبنو په تطبیق کې د یاد وزارت ملاتړ وکړي.  
د جمهور رئیس مرتسال استاد سرور دانش، ښاغلي احدي په لوړو دولتي پوستونو کې د ښې تجربې خاوند وباله او ویې ویل، ډاډمن دی چې د کرنې، اوبولګولو او مالدارۍ وزارت په رهبرۍ او مدیریت کې  به هم بریالی وي. 
په دې کتنه کې د هیواد د سیاسي مسایلو، سیاسي ثبات، یوموټې او متحدې کابینې په اړه هم بحثونه وشول او ټینګار وشو چې د حکومت وزیران باید د هیواد د لوړو او عمومي ګټو په نظر کې نیولو سره له ټیمي مسایلو او ملاحظاتو پرته خپلې دندې ترسره کړي.