کابل کې پر ۲۰۰ زره کورنیو د غنمو د وېش لړۍ پیل شو

mail-admin
شنبه ۱۳۹۹/۱/۱۶ - ۱۰:۵
کابل


۱۶ وری ۱۳۹۹
د هېواد د ولسمشر د سپارښتنې پر اساس د کرنې، اوبولګولو او مالدارۍ وزارت  ۱۰ زره ټنه خوراکي غنم بېړنیو حالاتو سره د مبارزې کمېټې په واک کې ور کړی دی، ترڅو د هېواد د پلازمېنې کابل پر ۲۰۰ زره بېوزلو کورنیو ووېشل شي.
د کرنې وزارت ویاند اکبر رستمې وایي: «تر هغه وروسته چې ولسمشر محمداشرف غني پر بېوزلو کورنیو د خوراکي غنمود وېش سپارښتنه وکړه، پر دغو کورنیو د غنمو د وېش لړۍ تېره ورځ پیل شو.»
دغه راز د کابل د کرنې، اوبولګولو او مالدارۍ رییس عمرجان منګل وایي: «د غنمو د وېش لړۍ، د کرنې وزارت له مرکزي سیلو څخه د ۵۰۰ ټنه غنمو په وېش سره د کابل ښار له شپږم، ۱۵، ۱۸ او ۲۰ ناحیې څخه پیل شو او تر راتلونکو څو وروځو پورې به د کابل په مرکز او ۱۴ ولسوالیو کې پر ۲۰۰ زره بېوزلو کورنیو، ۱۰ زره ټنه غنم ووېشل شي.»
دغه غنم د کرنې وزارت له زېرمو څخه د ولسمشر د فرمان پر اساس وېشل کیږي.
د کرنې وزارت دغه راز وایي ټاکل شوې، چې د کرنې وزارت له زېرمو څخه به ډېر ژر ۴۰۰ ټنه دال‌نخود هم په کابل کې پر اړمنو کورنیو ووېشل شي.
باید وویل شي، چې په کابل او یوشمېر نورو ولایتونوکې د ګرځ بندیز په پیل سره د هېواد لسمشر محمداشرف غني سپارښتنه وکړه، چې پر اړمنو او بېوزلو کورنیو باندې دې ۲۴ زره غنم ووېشل شی.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت