فراه کې پر سلګونو بزګرانو د اصلاح شويو غنمو تخمونو وېشل لړی پیل شوه
۲۴ لړم ۱۴۰۵ هـ.ش
۴ جُمَادَى الثانی ۱۴۴۸ هـ.ق
د فراه ولایت د کرنې، اوبو لګولو او مالدارۍ ریاست په هڅو، د کرنې،ابو لګولو او مالدارۍ وزارت پراختیایی بودجې څخه د دی ولایت مرکز اړوند او فراه رود، اناردره او لاش جوین ولسواليو کې پر زرتنه مستحقو بزګرانو د اصلاح شويو غنمو تخمونو د وېش لړی پیل شوه.
د دی پروګرام په ترڅ کې هر مستحق بزګر ته ۵۰ کیلوګرامه اصلاح شوي د غنمو تخمونه وېشل کيږي.
د یادو اصلاح شويو تخمونو د وېش په بدل کې به له هر بزګر څخه ۵۰۰ افغانۍ د سبسایډي به شکل اخیستل کېږي.
د دغه ډول پروګرامونو د پلي کېدو موخه د اصلاح شويو تخمونو دودول، د بزګرانو ملاتړ، د کرنیزو حاصلاتو لوړول او له لږې ځمکې څخه د لا ډېرو حاصلاتو ترلاسه کولو زمینه برابرول دي.
اصلاح شوي تخمونه د کرنیزو حاصلاتو د لوړولو، د کرنیزو ناروغیو او افتونو پر وړاندې د نباتاتو د مقاومت زیاتولو او د بزګرانو د تولیدي وړتیا د لوړولو په برخه کې مهم رول لری.
