لغمان کې پر یو شمېر بڼوالو د بڼوالۍ اړونده توکي ووېشل شوې
![لغمان کې پر یو شمېر بڼوالو د بڼوالۍ اړونده توکي ووېشل شوې](https://www.mail.gov.af/sites/default/files/2020-02/84411136_3028249060533007_1866314107888599040_n_0.jpg)
۱۶ سلواغه ۱۳۹۸
د لغمان د کرنې، اوبولګولو او مالدارۍ ریاست له خوا په دې ولایت کې پر یوشمېر بڼوالو د بڼوالۍ اړونده توکي وېشل شوي دي.
دغه توکي، چې د بڼوالۍ د ځنځیروي ارزښت د ودې سکتوري پروژې (HVCDSP) پههمکارۍ پر دغو بڼوالو وېشل شوي دي په کې د دوا شیندنې « PRR»پمپ، محافظتي جامې، د ښاخبری وړه او غټه قیچې، د ښاخبری اره، عینکې، دستکشې، موزې او ماسک شامل دي، چې د عصري بڼوالۍ د ترویج په موخه پر بڼوالو وېشل شوي دي.
ددغو مرستو د وېش موخه د بڼوالو ملاتړ او په دې ولایت کې د بڼوالۍ د محصولاتو معیاري کول دي.
د لغمان دکرنې ریاست هلې ځلې کوی، چې روزنیزو پروګرامونو سره د بڼوالو وړتیا لوړ او د دوی د بڼونو محصولات ډېر او ښه کړي، چې هم د بڼوالو عواید زیات شي هم بزګران مشروع کرکېلي ته مخه کړي.
له دغو توکو څخه برخمن شوي بڼوال د کرنې وزارت له هلوځلو څخه د منني ترڅنګ ژمنه وکړه، چې د بڼوالۍ د حاصلاتو د زیاتوالي په پار هلې ځلې کوي.