ننګرهار کې د چرګانو سکتور د پیاوړتیا په موخه ناسته ترسره شوه
۱۱ کب ۱۴۰۴ه.ش
۱۳ رَمَضانُ المُبارَک ۱۴۴۷ه.ق
د ننګرهار پولټري داکترانو ټولنې رییس داکتر حسیب الله تره کي او یو شمیر سوداګرو د ننګرهار د کرنې رییس مولوي عبدالستار محمد سره د چرګانو سکتور پیاوړتیا، خپلو لاسته راوړنو او شته ستونزو حل په موخه ناسته ترسره کړه.
د پولټري داکترانو ټولنې رییس داکتر حسیب الله تره کی وویل، چې د چرګانو سکتور کې یوه لویه ستونزه د یو ورځنیو با کیفیته چرګوړو او درملو کمښت دي.
نوموړي د ننګرهار د کرنې رییس څخه غوښتنه وکړه، چې په اوس وخت کې ورته د بهرنیو هېوادونو څخه دباکیفیته درملو او یو ورځنیو چرګوړو واردولو زمینه برابره کړي.
همدارنګه داکترانو ټولنې رییس زیاته کړه، چې هره میاشت لسګونو وترنر داکترانو ته د چرګانو سکتور په بېلا بېلو برخو کې روزنه ورکوي.
د ننګرهار د کرنې، اوبو لګولو او مالدارۍ رییس مولوي عبدالستار محمد راغلو مسولینو ته د پوره همکارۍ او همغږۍ ډاډ ورکړ.ښاغلي محمد زیاته کړه د یادې ستونزې حل لپاره به یاد موضوع دکرنې وزارت مشرتابه سره هم شریک کړي.
