د کندهار کوهکران څېړنیز فارم کې د مېوو د شنه کېدو او ګلنیونې مرحله پیل شوه
۱۰ کب ۱۴۰۴ه.ش
۱۲ رَمَضانُ المُبارَک ۱۴۴۷ه.ق
د کندهار د کرنې، اوبو لګولو او مالدارۍ ریاست چارواکي وایي، چې د کوهکران څېړنیز فارم کې د مېوو د شنه کېدو، ګل نیونې او ګل رژېدني مرحله پیل شوې ده.
د یاد فارم انجنیر محمود آغا وایي، د پسرلي په را نږدې کېدو سره د بوټو د استراحت مرحله د پای ته رسېدو په حال کې ده، او د همدې مرحلې تر بشپړېدو وروسته به د فارم د ټولو مېوه لرونکو ونو د شنه کېدو نېټه، د ګلنیونې نېټه، د ګلنیونې سلني او د ګل رژېدو سلني په منظم ډول ثبت شي. او معلومات به یې د ګرنې وزارت سره شریک کړل شي.
د یادونې وړ ده، چې د کوهکران څیړنیز فارم د بڼ ښه روزني او کرنیزي عملیاتي چاري تر بل هر وخت د پرمختګ په حال کې دي، چې څو اوونې وړاندې یې د انارو بڼ ښه روزني لپاره د ښاخبرۍ کول او کیمیاوي سرې علاوه کول د یاد بڼ ښه ساتني او کیفیت لوړولو لپاره ترسره شوې وې.
