دمیدان وردګو ولایت د کرنې ریاست کې د کمپوسټ سرې جوړولو چارې پیل شوې
۲۴ مرغومې ۱۴۰۴ه.ش
۲۴ رَجَب المُرَجَّب ۱۴۴۷ه.ق
دمیدان وردګو ولایت د کرنې، اوبو لګولو او مالداری ریاست اړوند دکرنیزو چارو آمریت دتعمیر شاوخوا د پاک کاری چارې پیل او تر څنګ یې دیاد آمریت دبڼونو لپاره د کمپوسټ سرې جوړولو لپاره ځمکه انتخاب شوه.
په دې ریاست کې د کمپوسټ جوړولو چارې پیل شوې، تر څو په بڼونو کې د هرزه ګیاوو، پاتې شونو او نور هغه ضایعات چې ناروغۍ خپروی مخه نیول شوې وي او دغه راز دمیدان وردګو ولایت دکرنې، اوبولګولواو مالدارۍ ریاست د بڼونو لپاره دکمپوسټ سرې چمتو شی، چې ورسته به بزګرانو ته کمپوسټ سرې هم وړاندې شي.
د میدان وردګو لایت دکرنې ریاست پلان لري، چې دمیدان وردګو ولایت په ټولو ولسوالیو کې به دکمپوسټ سرې دجوړولو پروسه ترسره کړي اوددې ترڅنګ به په هره ولسوالی کې بزګرانو ته د کمپوسټ سرې دجوړولو په هکله اړین معلومات ورکړل شي، ترڅود ولسوالیو دکرنیزو خدمتونومدیریتونو کې هم دبڼونو لپاره د کمپوسټ سرې دجوړولو لپاره عملاً اقدام ترسره شي.
