د ننګرهار حصارک ولسوالی کې یو شمېر حیواني او نباتي درملتونونه وڅارل شول
۲۷ غبرګولی ۱۴۰۴ ه.ش
۲۰ ذُو الحِجَّةِ ۱۴۴۶ه.ق
دننګرهار د کرنې، اوبولګولو او مالدارۍ ریاست تر چترلاندې د حصارک ولسوالی د ترویج مدیریت پدې ولسوالی کې یو شمېر حیواني، نباتي درملتونونه وڅارل.
دغه څارنه بزګرانو او مالدارانو ته د معیاري چوپړونو د وړاندې کولو په پار ترسره شوي دی، چي پکي د حیواني او نباتي درملتونونو څارنه، د بې کیفیته او تاریخ تېرو درملو تشخیص، د درملتونونو او وترنریو پاکوالۍ او د کرنې وزارت د قوانینو پر اساس د درملتونونو جوازونو څارل شامل دي.
د دغه کنټرول څخه موخه داده، چې د بې کيفيته او تاريخ تېرو درملو پلور مخه ونیول شي، بزګرانو او مالدار ته نسخې ورکولو، په خپل سر د هټيو پرانستل او د غير قانونې درمل پلورولو مخنيوي وشي.
ددې کنټرول په پايله کې يو شمېر هغه هټۍ چې د فعاليت جواز وخت يې تېر و او یایې جوازونه نه درلودل سپارښتنه ور ته وشوه، چې خپل جوازونه واخلي او یایي نوي کړي.
همدارنګه درمل پلورونکو ته سپارښتنې وشوې چې په راتلوونکې کې د غير معياري هټيو د پرانستلو، د غیر مسلکي کسانو ګمارنې، د بې کيفيته درملو او واکسینو د پلور او واردولو څخه په کلکه ډډه وکړي.
دغه څارنې او ارزونې ددې لامل کېږي چې، درملتونونه او د وترنرۍ د برخې فعالین خپلو مشتریانو ته معیاري او په ښه کیفیت برابر چوپړونه وړاندې کړي.
