خوست کې د بې کیفیته استراګانو دمخنیوي په پار هڅې

۲۲ مرغومې۱۴۰۳ه‍.ش
۱۱ رجب المرجب ۱۴۴۶ه‍.ق
د خوست د کرنې، اوبولګولو او مالدارۍ ریاست په لارښونه ددې ریاست د مالدارۍ آمریت په مشرۍ ګډ پلاوي داستراګانو کیفیت معلومولو او نورو برخو کې د ښه والې په موخه هلې ځلې پیل کړي دي.
د خوست دکرنې او مالدارۍ ریاست چارواکي وویل دمالدارۍ امریت ګډ پلاوی استراګانو کیفیت معلومولو،کانټینرو کنټرول، حفظ الصحې، تقلبي، قاچاقي او بي کیفیته استراګانو کنترول په موخه څارنه پیل کړې ده، چې په ترڅ کې یې د مرکز د اسټراګانو څارنه وشوه.
د چاراکو په خبره دوی هڅه کوي یاد کمپاین د خوست په ټولو ولسوالیو کې پلي کړي؛ چې په پایله کې به یې  باکیفیته او غوره نسلونو لرونکي استراګاني تطبیق شي، ترڅو مالداران په راتلونکي کې د خپلو مالونو څخه باکیفیته او د زیات محصول ورکونکي نسلونه ترلاسه او پدي سره به په کلیوالې کچه دمالدارانو اقتصاد پیاوړي شي.
دغه راز استراګانو خرڅوونکو او تطبیق کوونکو ته د غوره او ښو استراګانو تطبیق او د بې کیفیته او تقلبي استراګانو د نه تطبیق سپارښتنې وشوې.