د کرنې وزارت کړنې وارزول شوې

content_admin
سه‌شنبه ۱۳۹۸/۸/۲۱ - ۹:۵۸
د کرنې وزارت کړنې وارزول شوې

د کرنې، اوبو لګولو او مالدارۍ وزارت وضعیت د ارزونې په اړه د غونډو په دوام، نن ماښام د افغانستان اسلامي جمهوریت د جمهوررئیس محمد اشرف غني په مشرۍ غونډې د دغه وزارت کړنې او بنیادي اصلاحاتو پلان وارزاوه.

په دغه غونډه چې په ارګ کې وشوه، په پیل کې د کرنې، اوبو لګولو او مالدارۍ وزارت مسوولینو د دغه وزارت د وضعیت د ښه والي په اړه د خپلو کړنو راپور او پلان وړاندې کړ.

دوی د کرنې وزارت د لنډمهالې، منځ مهالې او اوږدمهالې دورنما له هغې جملې د کرنې د ودې او تولیداتو د زیاتوالي، له کروندګرو سره د لا زیات کار، د اوبولګولو بندونو د جوړولو، د کرنې ميکانیزه کولو، د کرنې پر ستراتېژۍ د کار، د کرنې د عوایدو د زیاتوالي، د کرنیزو محصولاتو صادارتو ته د پاملرنې او وارداتو د کمولو په اړه خپل لیدلوري او نظریات بیان کړل.

جمهوررئیس غني د دوی د خبرو او یاد پلان تر اورېدو وروسته وویل، د کرنې د ودې په خاطر باید په هېواد کې د خپلو اهدافو د تطبیق لپاره څارنه زیاته شي.

هغه د کرنیزو محصولاتو د وارداتو لپاره پر بدیلې طرحې ټینګار وکړ او وې ویل، افغانستان په اتو اقتصادي زونونو بدلېږي او باید د بندونو پر جوړولو او د اوبو پر عادلانه وېش لا زیات تمرکز وشي.

جمهوررئیس وویل پر ځنګلونو باید اساسي کار وشي او د ځنګلونو د زیاتوالي لپاره دې یو منظم سیستم ایجاد شي، همدارنګه دې د کرنې د ودې لپاره پر پنځه کلن پلان کار وشي او د کرنې دودیزه ډول دې پر اساسي او میکانیزه ډول بدل شي.

جمهوررئیس غني د کرنې په برخه کې د پانګونې پر جذب په ټینګار وویل، د کرنې، اوبو لګولو او مالدارۍ وزارت باید له کابل محورۍ او پر بهرنیو مرستو له وابستګۍ راووځي.

د هیواد جمهوررئیس څرګنده کړه، د کرنیزو محصولاتو پر ځنځیري ارزښت دې پانګونه وشي چې کرنیز تولیدات زیات شي، همدارنګه دې د کرنې په برخه کې خصوصي سکتور شامل شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت