هلمند کې مالدارانو ته د غواګانو د ساتنځایونو وسایل ووېشل شول

۲۹ لړم ۱۴۰۳هـ.ش
۱۷ جُمَادَى الأول ۱۴۴۶هـ.ق
د هلمند ولایت کرنې، اوبولګولو او مالدارۍ ریاست د مالدارۍ او د څارویو د روغتیا آمریت، د افغانستان لپاره د هالنډ کمېټې په مالي ملاتړ، د لښکرګاه ښار یو شمېر مالدارانو ته د غواګانو د ساتنځایونو لپاره اړین وسایل ووېشل.
چارواکي وايي، دا مرسته د هغو اقداماتو برخه ده چې د څارویو د ساتنې د معیاري کولو او د ناروغیو مخنیوي په موخه په بېلابېلو سیمو کې ترسره کېږي. د دې مرستو هدف د مالدارانو د عامه پوهاوي لوړول او د هغوی لپاره د څارویو خوندي چاپېریال برابرول دي.
د دې پروګرامونو له تطبیق سره تمه کېږي چې د مالدارانو اقتصادي وضعیت ښه شي او د څارویو د ساتنې کچه لوړه شي.