پکتیا کې پر څه باندې ۹۰۰ بزګرانو د جلغوزیو غوټو د راشکولو عصري بیاتي ګانې ووېشل شوې
![پکتیا کې پر څه باندې ۹۰۰ بزګرانو د جلغوزیو غوټو د راشکولو عصري بیاتي ګانې ووېشل شوې](https://www.mail.gov.af/sites/default/files/2019-09/70415702_2709770062380910_6190891887679766528_n.jpg)
۲۶ وږی ۱۳۹۸
د پکتیا د کرنې، اوبولګولو او مالدارۍ ریاست د کرنې وزارت د بڼوالۍ او مالدارۍ ملي برنامې په همکارۍ ددې ولایت د جلغوزیو د حاصلاتو د خوندي ټولولو په پار پر ۹۰۲ بزګرانو د جلغوزیو غوټو د راشکولو عصري بیاتي ګانې وېشلي دي.
د پکتیا د کرنې رییس انجنیر محمدالدین مومند وویل، چې دغه ۹۰۲ بیاتي ګانې د کرنې وزارت د بڼوالۍ او مالدارۍ ملي برنامې په همکارۍ ددې ولایت پر ۹۰۲ بزګرانو وېشل شوي دي ترڅو د جلغوزیو د غوټو په شکولو کې ورڅخه ګټه پورته کړي.
ښاغلی مومند وویل، چې اوس د جلغوزيو د پلور لپاره په نړيواله کچه بازارموندنه شوې او له بزګرانو څخه يې وغوښتل چې خپل محصولات په داخلي سوداګرو وپلوري ترڅو د دوی له طریقه د افغانستان په نوم دنړۍ نورو هېوادونو ته صادر شي.
د یادولو وړ ده، چې يادو بزګرانو ته ددې آلې د استعمال چارې په عملي ډول وروښودل شوې.