کندهار کي د توتو حاصلاتو ګڼو کسانو ته د کار زمینه برابره کړې
۲۱ غویی ۱۴۰۵ه.ش
۲۴ ذُو ٱلْقَعْدَةِ ۱۴۴۷ه.ق
د کندهار د کرنې، اوبو لګولو او مالدارۍ ریاست اړوند د کرنیزو چارو آمریت وایي، په کندهار کي د توتو د حاصلاتو له رسېدو سره ګڼو کسانو ته د کار زمینه برابره شوې او ډېر کسان يي په مستقیم ډول په کار بوخت کړي دي.
د یاد آمریت د معلوماتو له مخي، د کندهار په شاوخوا ۱۷ ولسوالیو کي د توتو کرنه شوې ده، چي له دې ډلې ارغنداب، پنجوایي، ډنډ، ژړۍ او یو شمېر نورو ولسوالیو توتونه د پلور لپاره بازارونو ته راوړل کېږي.
په همدې حال کي د توتو پلورونکي هم له خپلو عوایدو خوښ دي او وایي، د کندهار توت ځانګړی رنګ، خوند او لوړ کیفیت لري، چي له همدې امله يي مینهوال زیات دي.
د یادوني وړ ده، چي سږ کال په کندهار کي د توتو بیه هم مناسبه ده، او د کندهار ښار ترڅنګ کابل او فراه ولایتونو ته هم صادېږي.
