کندهار ته د پاکستاني وریجو د قاچاق مخه ونیول شوه
۱۷ وری ۱۴۰۵ه.ش
۱۹ شَوّالُ المُکَرَّم ۱۴۴۷ه.ق
د کندهار د کرنې، اوبو لګولو او مالدارۍ ریاست تر رهبرۍ لاندي، د بوټو ژغورنې مدیریت د قرنطین چارواکي وایي، چې د کندهار ښار د ۷مې ناحیې په باغ پل سیمه کي د ۲۵۰ کیلو ګرامه وریجو د قاچاق مخه ونیول شوه، چي غوښتل یي په پټه او غیري قانوني ډول یي ښار ته ولېږدوي.
د قرنطین چارواکي وایي؛ یادې وریجې یوه ورځ وړاندي سهار مهال په داسي حال کي ونیول شوې، چي قاچاق کوونکو غوښتل د برامچې د لارې له هلمند څخه کندهار ته داخل کړي، چي مسؤولینو سمدستي دغه وریجې ضبط کړي او وروسته یې د کندهار ګمرک ریاست ته سپارلي دي.
د کندهار دکرنې ریاست د بوټو ژغورنې مدیریت ټینګار کوي، چي دوی د هر ډول قاچاقي او غیري قانوني محصولاتو د مخنیوي لپاره خپل فعالیتونه لاهم ګړندي کړي دي، او هېچا ته به اجازه ور نه کړي، چي قاچاقي توکي کندهار ته انتقال کړي.
د یادونې وړ ده، چې د افغانستان اسلامي امارت له لوري په پاکستاني وارداتو بندیز لګېدلی، چي په همدې اساس د سپین بولدک، دامان او باغ پل په سیمو کي د قرنطین مسؤلینو سختې څارني روانې ساتي.
