پکتیکا کې ۲۰۰ کیلوګرامه بېکیفیته غوښه ضبط او له منځه یووړل شوه
۱۹ کب ۱۴۰۳ه.ش
۹ رَمَضانُ المُبارَک ۱۴۴۶ه.ق
د پکتیکا ولایت د کرنې، اوبولګولو او مالدارۍ ریاست د څارویو روغتیا او مالدارۍ خدمتونو امریت د څارویو د محصولاتو د کنټرول مدیریت کارکوونکو د دغه ولایت په مرکزي مسلخ کې د فارمي چرګانو ۲۰۰ کیلوګرامه بېکیفیته غوښه تشخیص او ضبط کړه.
یاده غوښه د له منځه وړلو په موخه د پکتیکا ښاروالۍ ته وسپارل شوه، ترڅو د عامې روغتیا د خوندیتوب لپاره لازم اقدامات وشي.
د کرنې ریاست مسؤلین ټینګار کوي، چې د بېکیفیته او غیرمعیاري غوښې پر وړاندې به خپل کنټرولي اقدامات لا پیاوړي کړي، ترڅو د روغتیايي ګواښونو مخنیوی وشي.
