پروان کې پر ۱۰۰ مېرمنو د شنوخونو جوړولو اړونده توکي ووېشل شول
![به ۱۰۰ خانم در پروان، وسایل ساخت سبزخانه توزیع شد](https://www.mail.gov.af/sites/default/files/2020-09/d7be48a8-e9b1-4f09-ab29-9c2bb1e10810.jpeg)
۲۶ وږی ۱۳۹۹
د پروان د کرنې، اوبولګولو او مالدارۍ ریاست د وزارت د بڼوالۍ او مالدارۍ ملي پروژې «NHLP» له لارې ددې ولایت دمرکز او د جبلالسراج اوسرخپارسا ولسوالیو پر ۱۰۰ هغو مېرمنو چې د سبو کرکېله کوي د شنوخونو د جوړولو اړونده توکي وېشلي دي.
ټاکل شوې دغه مېرمنې، چې د سبو کرکېله کوي د وړو شنوخونو په جوړولو سره، د سبو د کرکېلي له لارې د خپلو کورنیو په اقتصادي وده کې رغنده ونډه واخلي.
مېرمنو لپاره شنې خونې جوړول، له یوې خوا د دوی د اقتصادي ودې لامل کیږي او له بلې خوا په کورنیو کې د خوړو د خوندیتوب کچه لوړوي.