هرات کې پر یوشمېر کب روزونکو د کبانو روزنې اړونده توکي ووېشل شول

۲۰ لیندۍ ۱۳۹۹
د هرات د کرنې، اوبولګولو او مالدارۍ ریاست د بڼوالۍ او مالدارۍ ملي پروژې «NHLP» په همکارۍ ددې ولایت پر ۲۰ فارم لرونکو د کبانو روزنې اړونده کېټونه چې په کې ۹ اړین توکي شامل دي وېشلي دي.
په دغو کېټونو کې، جالۍ او د فارم احاطې لپاره پایې، د اکسیجن ورکولو لپاره د اوبو پمپ او لمریزه تخته، د تودوخې مالومولو توکي او د اوبو PH، د کب نیولو جالۍ، د کب روزنې ځانګړې جامې، کبانو لپاره د خوړو لوخې، د علوفې د پرې کولو لاسي و برېښنایي ماشین، کولډ باکس او درمل شامل دي، چې د هرات ولایت د انجیل، ګذرې، زنده جان او کرخ په ولسوالیو کې پر ۲۰ فارم لرونکو وېشل شوي دي.
باید وويل شي، چې یاد فارمونه د کرنې وزارت له خوا جوړ شوي دي.