ننګرهار کې ۳۵۰ تنو بېوزله هېوادوالو سره د نغدو مرستو سروي پیل شوه
د ننګرهارد کرنې، اوبو لګولو او مالدارۍ ریاست په هڅو د بشري خیریه مؤسسې په تخنیکي همکارۍ او د «کورډیډ، ډي،آر،اې» (په مالي لګښت د ننګرهار په څلورو ولسوالیو اچین، سپین غر، لعلپوره او مومندرې کې ۳۵۰ تنو هېوادوالو ته د خوړو خوندیتوب په موخه دنغدو پیسو د ورکړي سروي پیل شوې ده.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې د یادو ولسوالیو انتخاب شوو کورنیو سره به د ۱۸۰ ډالرو معادل افغانۍ ورکول کېږي، چې په اچین کې به ۱۰۰، سپین غر کې ۵۰، لعلپوره کې ۱۰۰ او مومندرې ولسوالۍ کې ۱۰۰ تنو ته مرستي ورکړل شي.
ښاغلي محسن زیاته کړه، چې یاده مرسته به هغو یتیمو، کونډو،معیوبو او بېوزله خلکو ته ورکول کېږي، چې روغتیایي او کافي خوړو ته لاسرسي ونلري.
