ننګرهار کې د شولو کرکېله پیل شوه
د ننګرهار د کرنې، اوبولګولو او مالدارۍ ریاست د شیشم بڼ څېړنیز فارم کې، د دې ادارې رییس مولوی عبدالستار محمد لخوا د شولو د څو بوټو په کښېنولو سره ننګرهار کې د شولو کرکېله پیلو شوه.
د ننګرهار دکرنې، اوبولګولو او مالدارۍ رییس عبدالستار محمد وویل، چې سږکال به په یاد فارم کې د شولو د مورني تخم د تولید په موخه په پنځه جریبه ځمکه کې څلور ډوله پنځه تجربې (شیشم باغ، جلال آباد، عطایي او سیله زودرس) د اګرانومیکي، جرم پلازم او اصلاح په منظور وکرل شي.
دغه راز د ننګرهار دکرنې ریاست چارواکي په دې ولایت کې د شولو عصري کرکیلي په پار هم هلې ځلې کوي له همدې امله دکرنې وزارت دترویج کارکوونکي په کلیو او ولسوالیو کې د شولو عصري کرکیلي درواجولو په موخه بزګرانو ته د شولو ننداریزې قطعې جووړوی.
دیادونې وړ ده، چې اوسمهال په ننګرهار کې دشولو دپروسس فابریکې هم شتون لري، چې دننګرهار دکرنې ریاست په هلو ځلو دشولو دپروسس او بازارموندنې په موخه دفابریکو او بزګرانو ترمنځ کرنیز تړونونه هم رامنځ ته شوي دي.
