لغمان کې د سویابینو حاصلاتو راټولولو لړۍ پیل شو
۲۵ لړم ۱۳۹۸
د لغمان د کرنې، اوبولګولو او مالدارۍ رایاست د تغذیې او زده کړې نړیوالې موسسې «NEI» په همکارۍ ددې ولایت د مرکز مهترلام او الینګار ولسوالۍ پر یوشمېر بزګرانو د سویابینو اصلاح شوي تخمونه وېشلې وه او د یاد سیمو په شاخوا ۲۱۸ جریبه ځمکه کې سویابین کرل شوي، چې دا مهال یې د حاصلاتو راټولو لړۍ پیل شوې ده. د لغمان د کرنې ریاست چارواکي وایي، چې له دغو کروندو څخه ۱۲۲.۰۸ مټریک ټنه سویابین ترلاسه شوي دي.
تر دې وړاندې هم د لغمان د کرنې ریاست په همکارۍ د لغماني کروندګرو له خوا په دې ولایت کې د سویابینوکرکېله شوې وه، چې بزګرو ورڅخه د قناعت وړ حاصلات ترلاسه کړل. څېړنو ښودلې چې لغمان ولایت کې دسویابینو کښت ښه حاصل ورکوي.
د لغمان د کرنې ریاست هڅه کوي، چې هلمند کې سویابین ترویج کړي او راتلونکو کلونو کې دالړۍ نوره هم وغځوی او د ولایت په کچه ترې ټول ځمکوال برخمن کړي.
سویابین بشپړه پروتیني او مغذي مواد لري او د کورنیو په روغتیا په ځانګړي ډول د ماشومانو د خوارځواکۍ په مخنیوی کې رغنده رول لري.
