لغمان کې د اوبولګولو د لسو کانالونو د جوړولو تړونونه لاسلیک شول

naim.rezai
دوشنبه ۱۴۰۰/۳/۱۷ - ۴:۵۳
لغمان کې د اوبولګولو د لسو کانالونو د جوړولو تړونونه لاسلیک شول

۱۷ غبرګولی ۱۴۰۰
د کرنې، اوبولګولو او مالدارۍ وزارت اړوند دکرنې او خوړو خونديتوب بېړنۍ «EATS» پروژې له خوا د لغمان په ولایت کې د اوبولګولو د لسو کانالونو د جوړولو تړونونه لاسلیک شول.
د لغمان د کرنې، اوبولګولو او مالدارۍ رییس محمدجمیل خوشحال وایي،
چې د اوبولګولو یاد کانالونه، چې ټولیز لګښت یې ۴۵ میلیونه افغانیو ته رسېږي د پراختیا یي شوراګانو په همکارۍ د لغمان ولایت په مرکز مهترلام او قرغیو ولسوالۍ کې جوړېږي.
ښاغلی خوشحال وویل، چې ددغو کانالونو د جوړولو په ترڅ کې د سیمې یوشمېر اوسیدونکو ته د کاري زمینې برابرېدو ترڅنګ په بشپړېدو سره به یې سلګونه هکټاره ځمکه خړوبه شي.
په همدې حال کې په دې اړه جوړه شوې غونډه کې، دلغمان د ولايت مرستيالې برېښنا ساپۍ وويل: «دا د ټولو ګډ مسووليت دی، چې د وطن د آبادۍ لپاره په اخلاص کار وکړو ترڅو د ولسونو ستونزې راکمې شي.»
آغلې ساپۍ د قرارداد کوونکو شورا ګانو له مسوولينو څخه وغوښتل، چې د پروژو کيفيت او کميت ته ځانګړې پاملرنه وکړي.
یاد کانالونه په پاخه او اساسي ډول جوړېږي، چې د اوبو د تنظیم او وېش په برخه کې د یادو سیمو د بزګرانو ستونزې په اساسي توګه حل کړي.
د دغو کانالونو رغول ددې ترڅنګ، چې د اوبو د ضایعاتو مخه نیسي د کانالونو تر پوښښ لاندې ځمکو د حاصلاتو د ډېر والي لامل هم کېږي.

تازه ترین اخبار

پنجشنبه ۱۴۰۴/۷/۲۴ - ۱۳:۱۵
Background image

سمنګان کې ۱۵۰ بزګرانو ته د اقلیمي بدلونونو په اړه د پوهاوي پروګرامونه ترسره شول

۲۴ تله ۱۴۰۴ هـ.ش
۲۳ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت اړوند د «کرنې او مالدارۍ سکتور د اقلیمي بدلونونو سره د سازښت ریاست» د ابتکار له مخې، د سمنګان ولایت په. . .

پنجشنبه ۱۴۰۴/۷/۲۴ - ۱۲:۲۹
Background image

دلغمان د کرنې ریاست کارکوونکو د ریاست په انګړ او سراج بڼ کې د پاک‎کارۍ حشر ترسره کړ

۲۴ تله ۱۴۰۴ هـ.ش
۲۳ رَبِیعُ الْثاني ۱۴۴۷ هـ.ق
د لغمان د کرنې، اوبولګولو او مالدارۍ ریاست کارکوونکو د چاپېریال د پاک ساتلو په موخه د پاک‎کارۍ حشر ترسره کړ.
یاد حشر د لغمان د کرنې رییس. . .

پنجشنبه ۱۴۰۴/۷/۲۴ - ۱۱:۳۳
Background image

د خوست د جوارسل څېړنیز فارم لمریز سیسټم نصب او فعال شو

۲۴ تله ۱۴۰۴ هـ.ش
۲۳ رَبِیعُ الْثاني ۱۴۴۷ هـ.ق
د خوست ولایت کرنې، اوبو لګولو او مالدارۍ ریاست د کرنیزو چارو آمریت اړوند د جوارسل څېړنیز فارم لپاره د لمریزې برېښنا سیسټم نصب او فعال شو.
ی. . .

بازگشت