د کرنې وزیر د ملګرو ملتونو د خوړو او کرنې ادارې رییس سره وکتل

mail-admin
دوشنبه ۱۴۰۰/۲/۲۰ - ۹:۵۴
د کرنې وزیر د ملګرو ملتونو د خوړو او کرنې ادارې رییس سره وکتل

۲۰ غویی ۱۴۰۰
د کرنې، اوبولګولو او مالدارۍ وزیر ډاکټرانوارالحق احدي، د خپل کار په دفتر کې افغانستان لپاره د ملګرو ملتونو د خوړو او کرنې ادارې «FAO» رییس راجندرا آریال سره، د کرنې په برخه کې دهغو برنامو په هکله خبرې وکړې، چې ددې ادارې له خوایې ملاتړ کېږي.
په دې لیدنه کې ښاغلی آریال د کابل په ریشخور کې د لبنیاتو د پروسس فابریکې د رغنیزو چارو د بشپړېدو په هکله د کرنې وزیر ته جزییات وړاندې کړه او ویې ویل، چې سږکال به دا فابریکه په پرمختللو ټکنالوژیو سمبال شي. هغه دکرنې وزیر څخه غوښتنه وکړه، چې په دې برخه کې ډېره پاملرنه ووشي، ترڅو سږکال دا فابریکه ګټې اخیستنې ته وسپارل شي.
د ریشخور د لبنیاتو د پروسس رغنیزې چارې تېرکال د کرنې د پراختیا نړیوال صندوق «IFAD» په مالي ملاتړ د کرنې وزار او د ملګرو ملتونو د خوړو او کرنې ادارې له خوا پیل شوې. دا فابریکه په یوه وخت کې د ۳۰ زره لیټره شېدې د پروسس وړتیا لري.
دغه راز راجندرال آریال د اوبولګولو د پروژو په ځانګړې توګه د هرات ولایت د کشک رباط سنګي ولسوالۍ د اوبولګولو د کانال په هکله مالومات وړاندې کړه او ویې ویل، چې دا برنامې ادامه پیداکوي.
د ملګرو ملتونو د خوړو او کرنې ادارې رییس، د کرنې وزیر سره په لیدنه کې د جغرافیایي نښو یا «جي‌آی» په هکله هم مفصل مالومات وړاندې کړه او ویې ویل، تر دې دمه یادې نښې، چې په کومو محصولاتو تر سره شوي دي، موثریت لري. هغه دکرنې له وزیر څخه ددې پروژې د ملاتړ غوښتنه وکړه.
په همدې حال کې، ډاکټر انوارالحق احدي د کرنې په بېلابېلو برخو کې د ملګرو ملتونو د خوړو او کرنې ادارې «FAO» له مرستو په مننې سره وویل، چې یاده اداره په بېلابېلو برخو کې د کرنې وزارت سره په همغږۍ عمل کړی دی. هغه په ټینګار سره وویل، چې د کرنې په برخه کې د «FAO» د فعالیتونو ملاتړ کوي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت