د کرنې وزیر بزګرانو ته د چوپړتیاوو وړاندې کولو د لړۍ پر چټکتیا ټینګار وکړ

mail-admin
چهارشنبه ۱۴۰۰/۱/۱۱ - ۱۶:۳
د کرنې وزیر بزګرانو ته د چوپړتیاوو وړاندې کولو د لړۍ پر چټکتیا ټینګار وکړ

۱۱ وری ۱۴۰۰
د کرنې، اوبولګولو او مالدارۍ وزیر ډاکټر انوارالحق احدي، ددې وزارت په نننۍ اداري غونډه کې، ددې وزارت له ټولو چارواکو وغوښتل، چې بزګرانو ته دې د چوپړتیاوو وړاندې کولو لړۍ ګړندۍ کړي.
په دې غونډه کې، چې د کرنې وزارت مرستیالان او د اړوندو ادارو چارواکو او دغه راز د کرنیزو پروژو رییسانو هم ګډون درلود، د ۱۴۰۰ مالي کال پر پراختیایي بودیجې هم خبرې وشوې.
په دې غونډه کې دکرنې وزیر وویل: «په ۹۹یم مالي کال کې، د پروژو په پلی کولو او د بودیجې په لګولو کې ستونزې وې، خو یادې ستونزې په روان مالي کال کې اصلاً د منلو نه دي.»
د کرنې وزارت پراختیایي بودیجه په روان مالي کال کې، ۱۲.۳ میلیارډه افغانۍ ده.
ښاغلی احدي وویل، چې دکرنې وزارت باید خپل بودیجوي امکاناتو ته په کتو د چوپړتیاوو وړاندې کولو لړۍ ګړندۍ کړي او پروژې دې پر خپل وخت پلي شي. په ورته وخت کې ښاغلی احدي ټینګار وکړ، چې سږکال باید ۹۰ سلنه پراختیایي بودیجه ولګول شي او دا مصارف باید معقول او په اغېزناک ډول تر سره شي.
په همدې حال کې، دکرنې وزارت مالي او اداري مرستیال عبدالهادي رفیعي د پروژو د پلي کېدو او د ۱۴۰۰ مالي کال د پلان پر وړاندې شته ستونزو په هکله لنډ مالومات وړاندې کړه او زیاته یې کړه، چې د پروژو له چارواکو څخه سږني ارزونې د بودیجې لګولو او د دوی کړنو ته په کتو تر سره کېږي.
په دې هکله ډاکټر انوارالحق احدي هم وویل، چې روان کال د پروژو د چارواکو ارزونه په سیمه کې د پروژو پروخت پلي کېدو او له فعالیتونو څخه د تر لاسه شویو پایلو پر اساس تر سره کېږي.

 

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت