د کرنې وزارت مالي او اداري مرستیال د مرکزي سیلو د برېښنا ستونزه حل کړه
د کرنې، اوبولګولو او مالدارئ وزارت مالي او اداري مرستیال الحاج ملا اغاجان آخند (حاجي سالم) دکابل مرکزي سیلو د برېښنا ستونزې حل په موخه په داسې حال کې، چې د سټراټیژیکو زېرمو رییس مولوی قدرت الله حقیار او د مرکزي سیلو رییس مولوی نصرالله منصور یې ملتیا کوله اړونده جکشن ته ولاړ او هلته یې مسؤلینو سره د کتنې په ترڅ کې د مرکزي سیلو د برېښنا ستونزه هواره کړه.
مالي او داري مرستیال د سیلو لپاره برېښنا اړینه وبلل او له اړونده مسؤلینو یې د جدي همکارۍ غوښتنه وکړه.
په ورته وخت کې د برېښنا مسؤلینو د کرنې وزارت مالي او اداري مرستیال ته د برېښنا ستونزې د دایمي حل ډاډ ورکړ.
باید وویل، شي چې د کرنې وزارت مالي او اداري مرستیال تل هڅه کوي، چې د چارو لا بهبود او دستونزو حل رسېدنه وکړي ترڅو ترلاس لاندې کارونه له ځنډ او خنډ سره مخ نشي.
