د کرنې وزارت سرپرست له خوا د هرات د چالستان او غېزان د اوبولګولو کانال ګټې اخیستنې ته وسپارل شو

content_admin
یکشنبه ۱۳۹۹/۷/۱۳ - ۱۳:۲۲
د کرنې وزارت سرپرست له خوا د هرات د چالستان او غېزان د اوبولګولو کانال ګټې اخیستنې ته وسپارل شو
۱۳ تله ۱۳۹۹
د کرنې، اوبولګولو او مالدارۍ وزارت سرپرست او نوماند وزیر ډاکټر انوارالحق احدي، ددې وزارت د مشرتابه په توګه په خپل لومړني سفر کې د هرات ولایت د کرخ ولسوالۍ د شربت کلا د کلي اړوند د « چالستان اوغېزان» د اوبولګولو کانال ګټې اخیستنې ته وسپاره.
یاد کانال په ټولیزه توګه د نږدې ۱۲ میلیونه افغانیو په لګښت د کرنې وزارت له دویم ملي لومړي توب څخه د ملاتړ برنامې له خوا د ۲.۲۷۳ کیلومترو په اوږدوالی په پاخه او اساسي ډول رغول شوې ده او څه باندې یو زر او ۱۰۰ جریبه کرنیزې ځمکې خړوبوي.
یاد کانال ۲۰ سلنه د اوبو د ضایعاتو مخه نیسي او د نږدې ۵۰۰ کروندګرو کورنیو کرنیز حاصلات هم ۲۰ سلنه زیاتوي.
دغه راز په نېغه له دې کانال څخه درې زره کسان ګټه پورته کوي.
په ورته وخت کې د کرنې وزارت د ۱۳۹۹یم مالي کال په ترڅ کې، د کرخ په ولسوالۍ کې د چالستان اوغېزان کانال د جوړولو ترڅنګ، د «SNaPP2» برنامې له لارې د هرات ولایت په انجیل، ګذرې، کرخ او زنده جان ولسوالیو کې د ۱۵۰ میلیونه افغانیو په لګښت د اوبولګولو ۱۳ شبکې پلي کړي دي.
دغه راز د ملګرو ملتونو د خوړو او کرنې ادارې «FAO» اړوند د اوبولګولو د پروژې له لارې د رباط سنګي په ولسوالۍ کې د څاڅکي اوبوخور دوه سیسټمونه د ۱.۵ میلیونه افغانیو په لګښت جوړ شوي دي.
باید وویل شي، چې د«SNaPP2»برنامې له لارې د غوریان، زنده جان او کرخ په ولسوالیو کې د ۹۴ میلیونه افغانیو په لګښت د اوبولګولو پنځه شبکې جوړول او د ملګرو ملتونو د خوړو او کرنې ادارې «FAO» د اوبولګولو د پروژې له لارې د ۱۱۰ میلیونه افغانیو په لګښت د دوو ابرېزو د ودانیو جوړولو پروژې پلي کېدل، لس کارېزونه او د څاڅکي اوبوخور نهه سیسټمونه جوړول په هرات ولایت کې د اوبولګولو په برخه کې دکرنې وزارت نورې کړنې دي.

 

تازه ترین اخبار

پنجشنبه ۱۴۰۱/۹/۱۷ - ۱۳:۳۱
Background image

د ننګرهار کانال ریاست: ۱۲۳ جریبه ځمکه د څاڅکي اوبوخور په سیسټم سمبال شو

۱۷  لېندۍ ۱۴۰۱ه‍.ش
۱۴ جمادي اﻷول ۱۴۴۴ ه‍.ق
د ننګرهار د کانال ریاست چارواکي وايي، چې ددې کانال اړوند په ۱۲۳ جریبه ځمکه کې د څاڅکي سیسټم اوبوخور سیسټم فعال او ګټې اخیستنې ته وسپارل شو.
په. . .

پنجشنبه ۱۴۰۱/۹/۱۷ - ۱۳:۲۵
Background image

ننګرهار کې د مالټې څه باندې ۵۵۰۰ جریبه بڼونه جوړېږي

۱۷  لېندۍ ۱۴۰۱ه‍.ش
۱۴ جمادي اﻷول ۱۴۴۴ ه‍.ق
د ننګرهار کانال ریاست چارواکي وایي، چې سږکال د ننګرهار کانال په څه باندې ۵۵۰۰ جریبه ځمکه د مالټې نوې بڼونه جوړېږي.
د ننګرهارکانال رییس مولوي. . .

پنجشنبه ۱۴۰۱/۹/۱۷ - ۱۳:۲۳
Background image

زابل کې د غصب مخنیوی او غصب شویو ځمکو د استرداد تخنیکي ټیم غونډه

۱۷  لېندۍ ۱۴۰۱ه‍.ش
۱۴ جمادي اﻷول ۱۴۴۴ ه‍.ق
 د زابل  ولایت د غصب مخنیوی او غصب شویو ځمکو د استرداد تخنیکي ټیم د غصب شویو ځمکو اړوند شپږمه غونډه دائره کړه.
ياده غونډه چې د زابل ولایت د. . .

بازگشت