د کرنې وزارت مالي او اداري مرستیال د جوزجان د امنیه قوماندانۍ د کورني امنیت آمر سره وکتل
۲۵ سلواغه ۱۴۰۴ه.ش
۲۶ شَعبان المُعَظّم ۱۴۴۷ه.ق
د کرنې، اوبو لګولو او مالدارۍ وزارت مالي او اداري مرستیال مولوي نورالدین عمیري د خپل کار په دفتر کې د جوزجان ولایت د امنیه قومندانۍ د کورني امنیت له آمر قاري انصارالله او د یاد ولایت د فیض آباد ولسوالی امنیه قومندان مولوي مبارز سره وکتل.
په دې لیدنه کې دواړو لورو د کرنیزو تاسیساتو او پروژو د امنیت د تأمین، او همدارنګه د امنیتي بنسټونو او د کرنې وزارت ترمنځ د همغږۍ په اړه خبرې وکړې او د کرنیزو پروګرامونو د پلي کېدو لپاره د خوندي چاپېریال پر رامنځته کولو یې ټینګار وکړ.
د جوزجان امنیه قومندانۍ له دې وړاندې هم د خدماتي پروګرامونو او پروژو د امنیت په تأمین کې له امارتي ادارو سره همکاري کړې ده، او دغه همغږي په یاد ولایت کې د کرنیزو فعالیتونو د دوام لپاره مهمه بلل کېږي.
