د کرنې او مالدارۍ مرستیال په کابل کې د اندونیزیا هېواد شارژدافیر سره وکتل

۹ زمری ۱۴۰۴ هـ.ش
۶ صَفَر المُظَفَّر ۱۴۴۷ هـ.ق
د کرنې، اوبو لګولو او مالدارۍ وزارت د کرنې او مالدارۍ مرستیال مولوی صدراعظم عثماني، په کابل کې د اندونیزیا هېواد شارژدافیر نندا ایوالیست سره وکتل او خبرې اترې یې وکړې.
دغه لیدنه د کرنې او مالدارۍ مرستیال په دفتر کې ترسره شوه او اصلي محور یې د افغانستان او اندونیزیا تر منځ د کرنیزو، بڼوالۍ او مالدارۍ محصولاتو د صادراتو په برخه کې د همکاریو پیاوړتیا وه.
د ناستې په پیل کې، مولوي صدراعظم عثماني د اسلامي امارت له لوري د نشه‌يي توکو پر ضد مبارزه، د امنیت ټینګښت، د بنسټیزو پروژو تطبیق، د بزګرانو او مالدارانو ملاتړ، او د ملي خپلواکۍ او وحدت د ساتنې په برخه کې پر ژمنتیا ټینګار وکړ.
هغه وویل: «موږ د ټولګټو پروګرامونو پلي کولو ته ژمن یو. لکه څنګه چې تاسو خبر یاست، د اسلامي امارت د رهبرۍ له لوري د یوه فرمان په اساس، د افغانستان په کچه د نشه‌يي توکو کرکیلې ته د پای ټکی کېښودل شو او خلکو هم پر هغه عمل وکړ. له بده مرغه، نړۍواله ټولنه  تر اوسه د بزګرانو، مالدارانو او د نشه‌يي توکو د بدیل لپاره د ملاتړ کوم مؤثر ګام نه دی پورته کړی. په داسې حال کې، چې پخوا میلیونونه کسان یا په نشو اخته ول یا یې د نشه‌يي توکو د قاچاق او پروسس برخه کې لاس درلود، خو اوس دا ستونزه ختمه شوې ده او موږ له نړۍوالې ټولنې تمه لرو چې په دې برخه کې له افغانستان سره همکاري وکړي.»
د کرنې او مالدارۍ مرستیال د هېواد د کرنیزو محصولاتو، په ځانګړې توګه د افغانستان د تازه او وچه مېوو د کیفیت په اړه خبرې وکړې او له اندونیزیایي شارژدافیر څخه یې وغوښتل، چې د دې محصولاتو د صادراتو لپاره اندونیزیا ته زمینه برابره کړي او د خپل هېواد پانګوال د پانګونې لپاره افغانستان ته وهڅوي، ځکه اوس په هېواد کې د اقتصادي او سوداګریزو فعالیتونو لپاره مناسب شرایط رامنځته شوي دي.
په همدې حال کې، ښاغلي نندا ایوالیست د اسلامي امارت له ژمنتیا څخه په بېلابېلو برخو کې مننه وکړه او د افغان بزګرانو او مالدارانو د ملاتړ په اړه یې د خپل هېواد پر ژمنتیا ټینګار وکړ. هغه وویل: «موږ به د افغانستان د کرنې وزارت پیغام د اندونیزیا دولت، ولس او پانګوالو ته ورسوو او د افغانستان د تازه او وچه مېوو د صادراتو په برخ کې د اسانتیا رامنځته کولو په پار به هڅې وکړو».

دیدار  معین زراعت و مالداری با شارژدافیر سفارت اندونیزیا در کابل
۹ اسد ۱۴۰۴ هـ.ش
مولوی صدراعظم عثمانی، معین زراعت و مالداری وزارت زراعت، آبیاری و مالداری، با آقای نندا ایوالیست، شارژدافیر سفارت اندونیزیا مقیم کابل، دیدار و گفتگو کرد.
این دیدار در دفتر معین زراعت و مالداری برگزار شد و محور اصلی آن تقویت همکاری‌ها میان افغانستان و اندونیزیا در زمینه صادرات محصولات زراعتی، باغی و مالداری بود.
در آغاز این نشست، مولوی صدراعظم عثمانی بر تعهد امارت اسلامی افغانستان در مبارزه با مواد مخدر، تأمین امنیت، اجرای پروژه‌های زیربنایی، حمایت از دهقانان و مالداران، و حفظ استقلال و وحدت ملی تأکید کرد.
وی اظهار داشت: «ما در تطبیق برنامه‌های عام‌المنفعه متعهد هستیم. همان‌طور که آگاه هستید، با صدور یک فرمان از سوی رهبری امارت اسلامی، کشت مواد مخدر در سراسر افغانستان متوقف شد و مردم از آن پیروی کردند. با این حال، متأسفانه جامعه جهانی تاکنون برای حمایت از دهقانان، مالداران و تأمین بدیل کشت مواد مخدر، اقدامات مؤثری انجام نداده‌است. در حالی که در گذشته میلیون‌ها نفر به مواد مخدر معتاد بوده و در قاچاق و پروسس آن نقش داشتند، اکنون این معضل به پایان رسیده‌است و انتظار داریم جهان در این مسیر با افغانستان همکاری کند.»
معین زراعت و مالداری وزارت زراعت در مورد کیفیت محصولات زراعتی کشور خصوصا میوه های تازه و خشک افغانستان صحبت کرده و از  شارژدافیر اندونیزیا خواست تا زمینه صادرات آن را به کشور اندونیزیا فراهم نمایند و همچنان سرمایه‌گذاران کشورش را برای سرمایه‌گذاری در افغانستان تشویق کند، زیرا شرایط برای فعالیت‌های اقتصادی و تجاری در کشور مساعد شده‌است.
در ادامه، آقای نندا ایوالیست ضمن قدردانی از تعهد امارت اسلامی در زمینه‌های مختلف، بر حمایت کشورش از دهقانان و مالداران افغان تأکید کرد. وی گفت: «ما پیام وزارت زراعت افغانستان را به دولت، مردم و سرمایه‌گذاران اندونیزیا منتقل خواهیم کرد و در راستای ایجاد تسهیلات برای صادرات میوه‌های تازه و خشک افغانستان تلاش خواهیم نمود.»