د لغمان د کرنې رییس د ملګرو ملتونو د خوړو او کرنې ادارې له مشر سره د همکاریو پر پراخولو خبرې وکړې

mail-admin
پنجشنبه ۱۴۰۴/۳/۲۲ - ۱۰:۱۵
د لغمان د کرنې رییس د ملګرو ملتونو د خوړو او کرنې ادارې له مشر سره د همکاریو پر پراخولو خبرې وکړې

۲۲ غبرګولی ۱۴۰۴ ه‍.ش
۱۵ ذُو الحِجَّةِ ۱۴۴۶ه‍.ق
د لغمان د کرنې، اوبولګولو او مالدارۍ رییس الحاج مولوي عبدالستار محمد د ملګرو ملتونو د خوړو او کرنې ادارې "اف اې او" مشر ریچارډ سره د قرغیو ولسوالی د چار باغ په سیمه کې وکتل. په دې کتنه کې د اف اې او ختیځ زون مسؤل خوشحال اصفي، د قرغیو بڼوال، بزګران او مالداران هم حاضر وو او د کرنې په بېلابېلو برخو کې د همکاریو پر پراخولو خبرې وشوې.
د کرنې رییس مولوي عبدالستار د یاد پلاوي هرکلی وکړ او د اف اې او له خوا د لغمان ولایت د کرنې او مالدارۍ سکتور ته د ورکړل شوي مالي ملاتړ او پراختیایي پروژو څخه مننه وکړه. نوموړي د ولایت د اقتصادي وضعیت وضاحت ورکړ او ویې ویل چې د لغمان اکثره خلک کرنه او مالداري کوي، خو دا ولایت له اقتصادي پلوه له نورو ولایتونو وروسته پاتې دی.
هغه له "اف اې او" ادارې څخه د غنمو اصلاح شوي تخمونو، کیمیاوي سرو، سوداګریزو شنو خونو او بڼونو، د سبزیجاتو او مېوو د پروسس وسایلو، په جبه زارر ځمکو په ځانګړې توګه د الینګار او الیشنګ سیندونو ترڅنګ د کبانو فارمونو جوړولو، د څارویو لپاره متراکمې خوراکې، نسلي وزو، د تبک وقایوي واکسین تطبیق برخو کې د مرستې غوښتنه وکړه، نوموړي ټینګار وکړ چې دا ډول مرستې به د بزګرانو او مالدارانو په اقتصاد کې مثبت بدلون راولي.
د "اف اې او" ادارې له اوږدې مودې راهیسې د افغانستان په بېلابېلو ولایتونو کې د کرنې، مالدارۍ او خوړو خوندیتوب په برخو کې فعالیتونه ترسره کوي. د یادې ادارې مشر ریچارډ په دې کتنه کې د لغمان د کرنې ریاست له مشرتابه مننه وکړه او ژمنه یې وکړه، چې په یادو برخو کې به نوې پروژې تصویب کړي.

تازه ترین اخبار

یکشنبه ۱۴۰۴/۴/۲۲ - ۱۰:۹
Background image

هلمند کې د کرنې پرمختګ لپاره د کروندې ورځې په ویاړ پراخه سیمه ییزه غونډه ترسره شوه

۲۲ چنګاښ ۱۴۰۴ ه‍.ش
۱۷ مُحَرَّمُ الحَرام ۱۴۴۷ه‍.ق
د هلمند ولایت د کرنې، اوبولګولو او مالدارۍ ریاست اړوند د څېړنیو لوی مدیریت له لوري د بولان په څېړنیز فارم کې د سبو، تیلي او صنعتي. . .

یکشنبه ۱۴۰۴/۴/۲۲ - ۹:۵۱
Background image

هلمند کې د کب روزنې سکټور پراختیا په پار هڅې؛ دکبانو ۴۸ زره بچې روزل کېږي

هلمند کې د کب روزنې فارمونه د ودې په حال کې ده او په تېرو څو کلونو کې په دغه ولایت کې د کبانو روزنې ډېر شمېر فارمونه جوړ شوي او د کبانو روزنې ته د خلکو لیوالتیا زیاته شوې ده، چې په همدې. . .

یکشنبه ۱۴۰۴/۴/۲۲ - ۹:۴۰
Background image

د کرنې وزارت د اراضۍ لوی ریاست کې د للندر (شاه توت) بند د ځمکو د تصفيې او  بیې ټاکنې په موخه غونډه دايره شوه 

د کرنې وزارت د اراضۍ لوی ریاست کې د للندر (شاه توت) بند د ځمکو د تصفيې او  بیې ټاکنې په موخه غونډه دايره شوه . په دغه غونډه کې د کرنې وزارت د اراضۍ لوی ریاست د ځمکو د استملاک او بيا. . .

بازگشت