د غزني دکرنې رییس د شلټرفارلایف مؤسسې له چارواکو سره وکتل
۱۴ کب ۱۴۰۴ه.ش
۱۶ رَمَضانُ المُبارَک ۱۴۴۷ه.ق
د غزني ولايت د کرنې، اوبو لګولو او مالدارۍ رییس مولوی محمد اسماعیل شکیب د «شلټر فار لايف» مؤسسې له چارواکو سره وکتل. په دې ناسته کې د نيالګيو د وېش بهير، د پروژو د تطبيق څارنه او تخنيکي همغږي په اړه بحث او د نظر تبادله وشوه.
همدارنګه د فیلمرغ د وېش پروژې د تعديل او د هغې پر ځای د شيدو ورکوونکو وزو د وېش پروژې په اړه، د اقليمي شرايطو، د بزګرانو اړتياوو او اقتصادي مؤثريت ته په کتو هر اړخيز بحث ترسره شو او تخنيکي نظرونه وړاندې شول.
په پای کې د يادې مؤسسې د راتلونکي پلان، د پوښښ سیمو د پراختيا، د فعاليتونو د کيفيت د ښه والي او د کرنې رياست سره د همغږۍ د پياوړتيا په اړه لازمې پرېکړې وشوې.
