د شکردرې د مسلخ رغنیزې چارې بشپړ شوې
۲۲لړم ۱۳۹۹
د کابل د شکردرې مسلخ رغنیزې چارې پای ته ورسېد. یاد مسلخ د شکردرې ولسوالۍ په کاریز سړک کې د پنځه میلیونه ډالرو په لګښت جوړه شوې ده.
دغه مسلخ په ۲۴ ساعتونو کې د ۶۰۰ وري، وزې، غوا او مېښو د حلالې وړتیا لري.
ددې مسلخ رغنیزې چارې په ۲۵ جریبه ځمکه کې کابو درې کاله مخکې د کرنې وزارت له خوا پیل شوې وه.
ددې مسلخ د جوړولو موخې، صحي او باکیفیته غوښې چمتو کول، د روغ او سالمو څارویو ذبحه، چاپېریال ساتنه، د څاریو صحي او سالم محصولات تولیدول، د ساري ناروغیو د خپرېدو مخنیوی، د ناروغو څارویو د ذبحې مخنیوی، په مناسب ډول د غوښې ساتنه، مشتریانو ته په مناسب او صحې ډول د غوښو لېږد او دغه راز د پروتني غوښو چمتو کول دي.
