د زیتونوحاصلاتو زیاتوالي په پارهڅې؛ ننګرهار کې یې ونو ته پاملرنه زیاته شوې

۲۱مرغومې ۱۳۹۹
زیتون له ارزښتناکو ګیاوو څخه دي، چې د هېواد په ختېځو ولایتونو کې یې ونې شتون لري.
کابو پنځه لسیزه مخکې د زیتونو فابریکې په جوړېدوسره د زیتونو بڼونه هم جوړل شول. په ننګرهار کې د زیتونو د کرکېله سیمه څه باندې یو زر او ۷۲۰ هکټارو ته رسیږي، چې د ننګرهار په کانال کې شتون لري.
د چارواکو په خبره د ننګرهار کانال اړوند د څلورو فارمونو په یوزرو ۷۲۰ هکټاره ځمکه کې د زیتونو ونو دښاخبری چارې پیل شوي دي، چې تر یوې میاشتې به بشپړ شي. د چارواکو په خبره ددې ترڅنګ چې د زیتونو ونو ښاخ بري دیادو ونو د حاصلاتو په زیاتوالي کې رغنده رول لوبوي، د ښاخ بری په موخه یې سلګونه کاریګر ګمارل شوي دي، چې د غنمو په بدل کې د زیتونو ونو ښاخونه پرې کوي.
په هېواد کې زیتونو بڼونو ته د پاملرنې له امله ددې ګرانبیې مېوې حاصلات په زیاتېدو دي د ننګرهار ترڅنګ کندهار هم هغه ولایت دی، چې په دې وروستیو کې په کې د زیتونو حاصلات ښه شوي او د زیتونو کاروبار په غوړېدو ده.
زيتون پر دې سربېره چې خوندوره مېوه ده، د هډوکو د خرابېدو، د ځینو سرطانونو، د مفصلونو د درد او التهاب، د هاضمې سيستم د خرابوالي، حساسیتونو، د زړه او ګڼو نورو ناروغیو مخه نیسي.