د تتسو ناکامورا د مړینې په مناسبت د خواشینۍ پیغام

۱۳ لېندۍ ۱۳۹۸
په ‌‌‌‌‌‌ډېر خواشینۍ سره، مې خبر ترلاسه کړه، چې په افغانستان کې د جاپانۍ مرستندویې ادارې مشر تتسو ناکومورا او زموږ یو شمېر خوږ هېوادوال په ننګرهار کې په یوه وحشیانه حمله کې وژل شوي دي.
د کرنې وزارت د هېواد د یوشمېر هېوادوالو په مړینه د خواشینۍ تر څنګ دوی ته د لوی خدای له درباره جنت الفردوس او کورنۍ ته یې جمیل صبر غواړي او د تتسو ناکامورا مړینه چې د ننګرهار د کرنې د پراختیا په برخه کې یې کلونه هلې ځلې کړي دي لویه ضایعه او زړه بوګنوونکې پېښه بولي.
د کرنې وزارت لپاره د ښاغلي ناکامورا مړینه لویه ضایعه ده؛ ددې غمیزې په مناسبت د ښاغلي ناکامورا خپلوانو ته د ډاډګیرنې مرات وړاندې کوم او کورنۍ ته یې جمیل صبر غواړم.