د بڼوالۍ ځنځیري ارزښت د پراختیا پروژه په بامیان کې د کچالو ۹۴ زېرمتونونه جوړوي
۲۲لړم ۱۳۹۹
د کرنې، اوبولګولو او مالدارۍ وزارت د بڼوالۍ ځنځیري ارزښت د پراختیا پروژه، د بامیانو په ولایت کې د کچالو ۹۴ زېرمتونونه جوړوي.
دغه پروژې، چې د کرنې وزارت د کرنیزو محصولاتو مدیریت د پروژې اړوند دي، رغنیزې چارې یې ۹۵سلنه بشپړ شوي او ټاکل شوې ده، چې ډېرژر به ګټې اخیستنې ته وسپارل شي. ددغو نویو کرنیزو پروژو د پلي کېدو چارې د بڼوالۍ ځنځیري ارزښت د پراختیا پروژې « HVCDSP» له خوا پرمخ وړل کیږي.
ددغو زېرمتونونو د جوړولو ټولیز لګښت ۵۷میلیون او ۸۵۸زره او ۳۱۶ افغانۍ ده، چې ۸۰ سلنه یې د کرنې وزارت او ۲۰ سلنه نور یې د برخمن شویو بزګرانو له خوا پرې شوي دي.
ددغو زېرمتونونو په جوړېدو سره، برخمن شوي بزګران کولای شي، چې د کال څه باندې ۱۱۰۰ مټریک ټنه کچالو زېرمه کړي.
