د بلخ چمتال ولسوالی کې یوشمېر بڼوالو سره د کیمیاوي سرې مرسته وشوه
۵ کب ۱۴۰۴ه.ش
۷ رَمَضانُ المُبارَک ۱۴۴۷ه.ق
د بلخ دکرنې، اوبولګولو او مالدارۍ ریاست د اغاخان دفتر په همکارۍ ددې ولایت د چمتال ولسوالی یوشمېر بڼوالو سره د کیمیاوي سرو مرسته وکړه.
د بلخ دکرنې ریاست د چارواکو په خبره د چمتال په ولسوالی کې د اغاخان دفتر په همکارۍ په دې وروستیو کې ۲۰ جریبه بڼونه جوړ شوي دي، چې د همدې دفتر له لوري ورسره لازمې مرستې او تخنیکي همکارۍ ترسره شوې دي.
ددې پروګرام کې په ترڅ کې هر بڼوال ته ۵۰ کیلو ګرامه «ډياېپي» سره او ۱۰۰ کیلو ګرامه یوریا سره ووېشل شوه، څو د بڼونو د تغذیې اړتیا پوره او د ونو د ودې بهیر پیاوړی شي.
یاده مرسته کولی شي د بڼوالو په حاصلاتو کې د پام وړ زیاتوالی راولي، د مېوو کیفیت لوړ کړي او د بڼوالو اقتصادي ستونزې تر یوه حده پورې هوارې کړي.
دغه ډول همکارۍ به د بڼوالۍ سکتور پیاوړتیا، د کرنیزو تولیداتو زیاتوالی او د بزګرانو د عوایدو لوړوالي کې مهم رول ولوبوي
