د بغلان دو ولسوالیو کې پر ۱۹۰۰ بزګرانو د غنمو تخم او کیمیاوي سرې ووېشل شوې
۱۶ مرغومې ۱۴۰۴ه.ش
۱۶ رَجَب المُرَجَّب ۱۴۴۷ه.ق
د بغلان دکرنې، اوبو لګولو او مالدارۍ ریاست په هڅه، دملګرو ملتونو دخوړو او کرنې ادارې «اف.اې.او» په مالي ملاتړ، د وطن مؤسسې په تخنیکي همکارۍ او د ولسوالیو د کرنې او مالدارۍ مسؤلینو تر څارني لاندې د بغلان په دو ولسوالیو کې ۱ زره ۹۰۰ بزګرانو ته د غنمو اصلاح شوي تخم، توره او سپینه سره ووېشل شوه.
ددې مرستې په ترڅ کې ۱۵۰۰ تنه د دوشی، ولسوالی او ۴۰۰ تنه د خوست ولسوالۍ بیوزله او اړمن بزګرانو شامل دي. چې تر نوم لیکني وروسته اوس مهال ورته چمتو شوي مرسته ووېشل شوه.
د مرستي څخه برخمن شویو بزګرانو ته د غنمو تخم وړاندې د غنمو کرنې، کیمیاوي سرې کاروني، اوبو لګولو، نوي میتودونو او ورته نورو برخو کې روزنه ورکول شوې ده.
د یادې مرستې څخه موخه په بغلان کې اصلاح شویو تخمونو ته وده او پراختیا ورکول، د اړمنو او بېوزلو کورنیو لپاره د نوي اصلاح شوي ورایټۍ چمتو کول، د بزګرانو اقتصادي ملاتړ، له کمې ځمکې څخه زیات حاصل ترلاسه کول او ترڅنګ یې د هغوی اقتصاد ته وده او پراختیا ورکول دي.
