د بادامباغ کرنیز نندارتون کې وایفای ته وړیا لاس رسی
۳ وری ۱۴۰۰
د کرنې، اوبولګولو او مالدارۍ وزارت د معلوماتي ټکنولوژۍ ریاست، د کابل د بادامباغ څېړنیز فارم په سږني کرنیز نندارتون کې، وړیا انټرنټ او وایفای ته د لاس رسی زمینه برابره کړې ده.
د کرنې وزارت د معلوماتي ټکنولوژۍ رییس عبدالحسیب حبیب وایي، چې په نندارتون کې د وزارت ټول کارکوونکي، غرفه لرونکو او هغه هېوادوال، چې له پنځه ویشتم کرنیز نندارتون څخه لیدنه کوي، کولی شي چې ددې نندارتون له وړیا وایفای څخه ګټه پورته کړي.
دغه راز په سږني کرنیز نندارتون کې، هېوادوالو په ځانګړې توګه هغو کورنیو ته چې له نندارتون څخه لیدنه کوي یوشمېر نورې اسانتیاوې هم برابرې شوي دي.
