دکرنې وزارت دکرنې او مالدارۍ مرستيال د سوداګرۍ او پانکونې خونې چارواکو سره وکتل

mail-admin
دوشنبه ۱۴۰۰/۸/۳ - ۱۴:۱۱
دکرنې وزارت دکرنې او مالدارۍ مرستيال د سوداګرۍ او پانکونې خونې چارواکو سره وکتل

۳لړم ۱۴۰۰
د ا.ا.ا د کرنې، اوبولګولو او مالدارۍ وزارت دکرنې او مالدارۍ مرستيال مولوی صدراعظم، دافغانستان د سوداګرۍ او پانګونې خونې لومړی مرستيال محمد‌یونس مهمند، دافغانستان د سوداګرۍ فدراسيون د خونې مرستيال، خان‌جان الکوزی، د خصوصي سکټور استازو او سوداګرو سره وکتل.
په دې کتنه کې د کرنې، اوبولګولو او مالدارۍ وزارت دکرنې او مالدارۍ مرستيال مولوی صدراعظم دکرنې وزارت او دسوداګرۍ خونې او ملي سوداګرو ترمنځ د پوره همغږۍ پر ايجاد د ټينګار ترڅنګ وويل، چې د هېواد سوداګرو سره به دکرنې وزارت پراخه همکاري ولري.
مولوی صدراعظم د بازار پر ثبات او د هېواد د کورنيو محصولاتو پر ملاتړ د ټينګار ترڅنګ وويل: «د بهرنيو چارو وزارت، د سوداګرۍ او پانګونې خونې او کرنې وزارت په همغږۍ سوداګريزې تعرفې، د سوداګرۍ جواز، ټرانزيټ او د سوداګرو ستونزه ښه او په روڼتيا سره پرمخ ولاړې شي.»
دافغانستان د سوداګرۍ فدراسيون د خونې مرستيال، خان‌جان الکوزی وويل،  چې د افغانستان په سوداګريزو بندرونو کې پراخې ستونزې شتون لري. هغه د تعرفو زياتوالی، د هېواد د حاصلاتو راټولولو په موسم کې د ګاونډيو هېوادونو د پاليسۍ بدلون او د کورني بازار بې ثباتې هغه ستوتزې وبللې،  چې سوداګر ورسره لاس او ګريوان دي.
په دې کتنه کې دواړو خواوو کورنيو محصولاتو ته د بازار رامنځ ته کولو او له هېواده بهر ددغو مخصولاتو د صادرولو په پار دکرنې وزارت او د سوداګرۍ او پانګونې خونې ترمنځ پر همکارۍ ټينګار وکړ.
دکرنې، اوبولګولو او مالدارۍ وزارت په هېواد کې د کرنيزو محصولاتو د بازارموندنې، دکرنيزو محصولاتو ارزښت لوړولو، د يادو محصولاتو د کچې زياتوالی، له هېواده بهر د يادو محصولاتو د صادرولو، د کرنې او بڼوالۍ د سيمو د پراختيا او د مالدارۍ ترويج په پار هلې ځلې کوي.

 

تازه ترین اخبار

چهارشنبه ۱۴۰۴/۶/۲۶ - ۱۴:۲۴
Background image

د کرنې وزارت د اراضۍ رياست لخوا سرحدونو، قومونو او قبایلو چارو وزارت ته ځمکه ولېږدول شوه

د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ ریاست د ځمکو د انتقال او وېش رياست د ځمکو د تبادلې آمر مولوي محمد فاروق امرخېل او د سرحدونو، قومونو او. . .

چهارشنبه ۱۴۰۴/۶/۲۶ - ۱۴:۱۰
Background image

لوګر کې د انګورو په حاصلاتو کې ۱۰ سلنه زیاتوالۍ راغلی

۲۶ وږی ۱۴۰۴ هـ.ش
۲۴ رَبِیعُ الْأَوَّل ۱۴۴۷ هـ.ق
د لوګر د کرنې، اوبولګولو او مالدارۍ ریاست مسوولین وايي، چې د تېر کال په پرتله سږکال په دغه ولایت کې د انګورو په حاصلاتو کې ۱۰ سلنه. . .

چهارشنبه ۱۴۰۴/۶/۲۶ - ۱۲:۲۱
Background image

هرات ته د کرنې، اوبولګولو او مالدارۍ وزیر سفر

۲۶ وږی ۱۴۰۴ هـ.ش
۲۴ رَبِیعُ الْأَوَّل ۱۴۴۷ هـ.ق
د کرنې، اوبولګولو او مالدارۍ وزیر مولوی عطاءالله عمري، د خپلو ولایتي سفرونو په لړ کې د یاد وزارت د یوشمېر چارواکو او سلاکارانو په مشرۍ. . .

بازگشت