ایران ته د کرنې وزارت د کرنې او مالدارۍ مرستیال سفر  

۱۲ لېندۍ ۱۴۰۳ه‍.ش
۱ جُمَادَى الثاني۱۴۴۶ه‍.ق
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني په مشرۍ د دې وزارت یوه پلاوي، د ایران اسلامي جمهوریت په بلنه او د دې هېواد د اوبو او خاورې د طرحې په برخه کې د ظرفیتونو، وړتیاوو او ټکنالوژیو، په ځانګړي ډول د اوبولګولو پرمختللو مېتودونو د لیدنې په موخه ایران ته سفر وکړ.
دغه سفر د افغانستان د کرنې، اوبولګولو او مالدارۍ وزارت او د ایران اسلامي جمهوریت د کرنې جهاد وزارت ترمنځ د لا زیاتې همغږۍ لپاره ترسره شوی دی. د کرنې او مالدارۍ مرستیال او مل پلاوی به یې د سفر په ترڅ کې د افغانستان په کرنې او مالدارۍ سکتور کې شته فرصتونه ایراني پانګوالو ته معرفي کړي او هغوی ته به د پانګونې لپاره لازم ډاډ ورکړي.
تمه ده چې د دې سفر په جریان کې به، د کرنې وزارت مرستیال د ایران د جهاد کرنې وزارت له مسئولینو سره لیدنه وکړي او د کرنې په برخه کې د اړیکو پیاوړتیا او شته ستونزو د حل په اړه خبرې اترې وکړي.

سفر معین  زراعت و مالداری وزارت زراعت به ایران
۱۲ قوس ۱۴۰۳ هـ.ش
مولوی صدراعظم عثمانی معین زراعت و مالداری وزارت زراعت، آبیاری و مالداری افغانستان، به دعوت جمهوری اسلامی ایران و به هدف بازدید از ظرفیت‌ها، توانمندی‌ها و فناوری‌های این کشور در زمینه طرح‌های آب و خاک، به ویژه روش‌های پیشرفته آبیاری، در رأس یک هیئت از کارمندان وزارت زراعت به ایران سفر کرد.
این سفر به منظور هماهنگی بیشتر میان وزارت زراعت، آبیاری و مالداری افغانستان و وزارت جهاد کشاورزی جمهوری اسلامی ایران انجام شده است. در جریان سفر، معین زراعت و مالداری و  هیئت همراهش فرصت‌های موجود در سکتور زراعت و مالداری افغانستان را برای سرمایه‌گذاران ایرانی معرفی کرده و اطمینان لازم برای سرمایه‌گذاری آنان فراهم خواهند کرد.
همچنین انتظار می‌رود در این سفر، معین وزارت زراعت با مسئولان وزارت جهاد کشاورزی ایران دیدار کرده و در مورد تقویت روابط زراعتی و حل مشکلات موجود بحث و تبادل نظر نمایند.